Другога снежня 2019 г. у Мінскім міжнародным адукацыйным цэнтры імя Я. Рау адбыўся міжрэлігійны семінар “Памяць пра Трасцянец і каштоўнасці дэмакратыі. Унёсак рэлігійных супольнасцей у справу прымірэння паміж народамі Беларусі і Германіі”, у якім прыняў удзел дацэнт кафедры філасофіі нашага ўніверсітэту В.А. Адзіночанка.
На семінары абмяркоўвалася праблема фарміравання культуры памяці пра Другую сусветную вайну ў сучаснай Беларусі, а таксама ўзаемаадносін паміж беларускім і немцкім народамі.
Шмат казалася пра страчаную ў выніку Халакосту культурную спадчыну яўрэяў , якія да вайны складалі большасць насельніцтва шмат якіх беларускіх гарадоў.
Вялікую ўвагу ўдзельнікі семінара надалі праблеме фарміравання ў сучаснай моладзі ведаў пра штодзённае жыцце насельніцтва Беларусі, якое апынулася ў акупацыі, а таксама пра супраціўленне захопнікам.
У канцы семінара прадстаўнікі беларускай іўдзейскай супольнасці запалілі Ханукію – свяцільнік, які сімвалізуе перамогу святла над цемрай.
На фота: В.А. Адзіночанка з уздельніцай семінара з Германіі Т. Фіхтнер і дырэктарам Мінскага міжнароднага адукацыйнага цэнтра імя Я. Рау В.Ф. Балакірэвым на фоне Ханукіі.
