“ЛАГЕР СМЕРЦI ТРАСЦЯНЕЦ. ГIСТОРЫЯ I ПАМЯЦЬ”

Катэгорыя: Без рубрики  Аўтар: admin

Беларуска-нямецкая перасоўная выстава “Лагер смерці Трасцянец. Гісторыя і памяць”, якая прысвечана гісторыі аднаго з самых буйных у Еўропе лагераў смерці, адкрылася 3 красавіка ў Гомельскім дзяржаўным універсітэце імя Ф.Скарыны. Экспазіцыя, якая размесціцца ў выставачнай зале універсітэта, пазнаёміць гамяльчан з архіўнымі дакументамі, асабістымі гісторыямі і ўспамінамі вязняў Трасцянецкага лагера смерці, створанага нацыстамі на тэрыторыі Беларусі ў 1942 годзе. “Лагер праіснаваў да ліпеня 1944 года.
Арганізатарамі мерапрыемства выступаюць Дортмундскі міжнародны адукацыйны цэнтр, пасольства ФРГ у Беларусі, Мінскі міжнародны адукацыйны цэнтр ім. Ёханэса Рау (IBB Мінск), ГДУ імя Ф. Скарыны, Гістарычная майстэрня імя Л. Левіна, фонд “Помнік забітым яўрэям Еўропы”. Перасоўную выставу “Лагер смерці Трасцянец. Гісторыя і памяць” ўжо маглі бачыць жыхары гарадоў Беларусі і Германіі. У арганізацыі і адкрыцці выставы прынялі ўдзел выкладчыкі кафедры ўсеагульнай гісторыі і студэнты гістарычнага факультэта.