31 кастрычніка 2019 г. Мінскім міжнародным цэнтрам імя Й. Рау і Гістарычнай майстэрняй імя Л. Левіна быў праведзены міжрэлігійны семінар “Моладзь памятае. Унёсак маладых гісторыкаў у даследаванне гісторыі Трасцянца і Халакосту ў кантэксце міжрэлігійнай культуры памяці”.
Удзельнікі семінара наведалі мемарыяльны комплекс “Трасцянец”. У гады Другой сусветанай вайны там размяшчаўся чацвёрты па велічыні лагер смерці ў Еўропе. У Трасцянцы нацысты знішчылі больш за 206 500 чалавек. Пераважна гэта былі яўрэі, якіх прывезлі з еўрапейскіх краін.
На семінары быў заслуханы шэраг дакладаў, прысвечаных фарміраванню гістарычнай памяці ў сучаснай Беларусі. Адбылася дыскусія, ў ходзе якой удзельнікі семінара падкрэслівалі, што тэма ахвяр Другой сусветнай вайны павінна атрымаць далейшую распрацоўку ў гістарычнай літаратуры.
У працы семінара прыняў удзел дацэнт кафедры філасофіі нашага ўніверсітэта В.А. Адзіночанка. Ён выступаў па праблеме ўжывання сінэргетычнага падыходу ў гуманітарных навуках а таксама фарміравання культуры памяці ў сучасных школьнікаў і студэнтаў.
У цэлым праца семінара аказалася надзвычай плённай для асэнсавання трагічнага вопыту гісторыі нашай краіны ў ХХ ст.
30 ноября преподаватели кафедры философии — профессор В.Н. Калмыков и старший преподаватель Н.О. Сиротко — приняли участие во встрече исторического факультета с представителями Тюбингенского университета (Германия).
Паседжанне Гомельскага аддзялення Беларускага філасофскага таварыства
29 кастрычніка на кафедры філасофіі нашага ўніверсітэта адбылося паседжанне Гомельскага аддзялення Беларускага філасофскага таварыства. З дакладам “Педагагічная практыка як механізм фарміравання філасофскага мыслення” выступіў страшыня аддзялення, дацэнт кафедры В.А. Адзіночанка.
Праблемы, узнятыя ў дакладзе, выклікалі вялікую цікавасць з боку ўдзельнікаў семінара. Былі зададзены шматлікія пытанні і выказаны розныя меркаванні. З альтэрнатыўным пунктам погляду выступіла загадчык кафедры, дацэнт В.К. Сцепанюк.
28 кастрычніка 2019 г. у Мазырскім дзяржаўным педагагічным універсітэце імя І.П. Шамякіна сумесна з Тураўскай епархіяй былі праведзены VI Тураўскія епархіяльныя чытанні “Вялікая Перамога: спадчына і спадкаемцы”.
Пераважная колькасць удзельнікаў – школьнікі і настаўнікі, якія прадставілі свае даклады на конкурс. Працавалі такія секцыі, як “Вынікі і ўрокі Вялікай перамогі”, “Хрысціянскія каштоўнасці ў сучасным адукацыйным працэсе”, “Гісторыка-краязнаўчая праца ва ўстановах адукацыі”, “Царква і вайна”, “Вайна ў гісторыі маёй сям’і”. Трэба адзначыць вялікую зацікаўленасць з боку ўстаноў адукацыці ва ўдзеле ў Чытаннях.
На пленарнымм паседжанні з дакладам “Дыялог беларускай дзяржавы з рэлігійнымі арганізацыямі ў сферы культуры” выступіў дацэнт кафедры філасофіі нашага ўніверсітэта В.А. Адзіночанка. Даклад выклікаў пэўную цікавасць. Па ім адбылася невялікая дыскусія, якая потым працягнулася ў кулуарах Чытанняў.
СЕМІНАР «ВЫШЭЙШАЯ АДУКАЦЫЯ І СІНЕРГЕТЫКА»
25 кастрычніка ў аўдыторыі 1-20 галоўнага корпуса нашага ўніверсітэта адбылося другое паседжанне семінара “Вышэйшая адукацыі і сінергетыка”, які вядзе прафесар У.Г. Ермакоў. Тэма паседжання “Вытокі навукі”.
На семінары выступілі з дакладамі выкладчыкі кафедры філасофіі Н.А. Сіротка і В.А. Адзіночанка. Было закранута некалькі глыбокіх філасофскіх пытанняў: аб сацыяльных і рэлігійных перадумовах узнікнення матэматыкі ў Старажытнай Грэцыі, аб прыродзе абстрактных аб’ектаў, аб ролі педагагічнай практыкі ў фарміраванні навукі.
Даклады былі выслуханы з вялікай цікавасцю, але пытанняў, на жаль, было мала. Удзельнікі семінара дамовіліся аб далейшай працы.
13 кастрычніка дацэнт кафедры філасофіі В.А. Адзіночанка ў межах арганізаванай прафкамам ўніверсітэта экскурсіі наведаў самы блізкі да Гомеля абласны украінскі горад Чарнігаў.
Чарнігаў з’яўляўся адным з найбуйнейшых цэнтарў Кіеўскай Русі. Ён мае багатую культурную спадчыну. Па колькасці помнікаў архітэктуры саступае толькі Кіеву і Львову.
Пад час экскурсіі ўдалося наведаць толькі малую частку размешчаных у Чарнігаве аб’ектаў культуры.
2 октября 2019 года старший преподаватель кафедры философия А. Д. Павловец принял участие в информационном мероприятии о проекте Европейского Союза MOST на базе УП «Гомельтурист» Гостиница «Турист». На мероприятии выступили Анатолий Байферт, руководитель рабочей группы проекта ЕС MOST, выпускница проекта ЕС MOST, магистр педагогических наук Ольга Медведева, Екатерина Липницкая, координатор проекта ЕС MOST.
СЕМІНАР «ВЫШЭЙШАЯ АДУКАЦЫЯ І СІНЕРГЕТЫКА»
18 верасня ў нашым універсітэце адбылося першае паседжанне семінара “Вышэйшая адукацыя і сінергетыка”, які вядзе прафесар У.Г. Ермакоў. Тэма паседжання “Метадалагічныя і метадычная аспекты міжпрадметнага ўзаемадзеяння пры падрыхтоўцы настаўнікаў”. У працы семінара прынялі ўдзел дацэнт кафедры філасофіі В.А. Адзіночанка, старэйшы выкладчык Н.А. Сіротка. На паседжанні было закранута шмат пытанняў, у тым ліку аб тапалогіі інфармацыйнай прасторы, што вывела абмеркаванне на філасофскі ўзровень.
ИЗДАН СБОРНИК НАУЧНЫХ СТАТЕЙ
На кафедре философии Гомельского государственного университета им. Ф.Скорины издан сборник научных статей «Культурные основания и проблемы развития цивилизации».
Ряд публикаций посвящен анализу сопряженности культуры и цивилизации в обществоведческой мысли прошлых эпох. Рассмотрены также современные процессы культурно-цивилизационной динамики, проблемы и риски цифровизации, коммуникаций, устойчивого развития общества, миграционных потоков, политического управления, образования.
Привлечены материалы конкретно-социологических исследований.