У Гомелі 12 лiстапада прайшоў абласны этап конкурсу Студэнт Года. Гэта мерапрыемства арганізуецца ў пачатку лістапада кожны год і ў ім бяруць удзел лепшыя студэнты сваіх ВНУ, якія прайшлі жорсткі адбор па некалькіх напрамках: паспяховасць, лідэрскія якасці і іншыя крытэрыі. У канчатковым выніку прадстаўляць універсітэт было даверана студэнтцы 4 курса групы ІМ-44 Гістарычнага факультэта ГДУ імя Францыска Скарыны Таццяне Сырамятнiкавай (на фота)
Сем канкурсантаў з усіх ВНУ вобласці на сцэне актавай залы ГДТУ ім. П.В. Сухога дэманстравалі таленты і здольнасці ў візітоўцы, прамоўніцкім майстэрстве, спартыўным міксе, творчым конкурсе, а таксама абаранялі свой маладзёжны праект. Журы, у склад якога ўвайшлі прадстаўнікі абласнога і гарадскога камітэтаў ГА «БРСМ», сферы культуры, адукацыі і спорту, вызначылі пераможца, які прадставіць нашу вобласць на рэспубліканскім этапе.
Наша прадстаўніца на абласным этапе рэспубліканскага конкурсу "Студэнт года — 2013» стала ўладальніцай дыплома "На шляху да Алімпу». Перамогу ж святкаваў студэнт Гомельскага інжынернага інстытута МНС Рэспублікі Беларусь Кірыл Чупругiн — дарэчы, адзіны хлопец сярод канкурсантаў.
Годнае выступленне нашай студэнткі і яе каманды, выдатная група падтрымкі, яркі пазітыў удзельнікаў і добразычлівае стаўленне членаў журы зрабілі конкурс запамінальным творчай падзеяй студэнцкага жыцця.