29-30 червеня 2018 г. у Мінску ў Міжнародным адукацыйным цэнтры імя Я. Рау адбылася Міжнародная канферэнцыя “Памятаць дзеля агульнай будучыні”, прымеркаваная да адкрыцця другой чаргі Трасцянецкага мемарыялу. У працы канферэнцыі прыняў удзел дацэнт кафедры філасофіі нашага ўніверсітэта В.А. Адзіночанка.
У гады Другой сусветнай вайны нямецкімі захопнікамі ў Трасцянцы было забіта каля двухсот тысяч чалавек, у асноўным яўрэяў. Частку з іх складаюць яўрэі, якіх прывезлі з іншых краін Еўропы.
У сваім выступленні на круглым стале “Унёсак цэркваў і рэлігійных аб’яднанняў у захаванне і ўвекавечанне памяці” В.А. Адзіночанка адзначыў, што для грамадзян Беларусі існуюць дзве трагедыі ХХ ст.: гэта фашысцкія і сталінскія рэпрэсіі, а таксама падкрэсліў неабходнасць агульнай памяці пра іх ахвяры. Аб гэтым жа казалі і іншыя выступоўцы.
