5 лютага 2020 г. адбылося ўрачыстае адкрыццё XVII Мінскай міжнароднай кніжнай выставы-ярмаркі. У яе працы прымаюць ўдзел многія краіны: Расія, Польшча, Украіна, Турцыя, Іран і інш. Сваю кніжную прадукцыю прадставілі шматлікія беларускія выдаўцы. Сярод іх і выдавецтва “Народная асвета”, якое прэзентавала шэраг вучэна-метадычных выданняў.
У іх ліку і дапаможнік “Навейшая гісторія краін Азіі і Афрыкі”, які падрыхтавалі загадчык кафедры ўсеагульнай гісторыі ГДУ імя Ф. Скарыны Мікалай Мязга і загадчык кафедры гісторыі і грамадазнаўчых дысцыплін МзДПУ імя І. П. Шамякіна Людміла Гаўрылавец. 8 лютага названыя аўтары па запрашэнню выдавецтва “Народная асвета” прадставілі свой дапаможнік наведвальнікам выставы. Дапаможнік выклікаў цікавасць перш за ўсё сярод прысутнічаўшых на прэзентацыі студэнтаў устаноў вышэйшай адукацыі. Яны цікаваліся зместам дапаможніка, у якой ступені ён адпавядае сучаснаму стану гістарычнай навукі і вучэбнай праграме дысцыпліны “Гісторыя краін Азіі і Афрыкі”. На дадзеныя і іншыя пытанні аўтарамі дапаможніка былі дадзены вычарпальныя адказы. У ходзе прэзентацыі выдаўцамі адзначалася, што гэта першы ў нашай краіне дапаможнік па гісторыі краін Азіі і Афрыкі на беларускай мове.
