23 снежня 2024 ў рэчышчы ажыццяўлення дзяржаўнай палітыкі ўзмацнення талерантнасці і развіцця міжканфесійнага дыялогу ў Беларусі студэнты групы Г-41 разам з дацэнтам кафедры філасофіі і спецыяльных гістарычных дысцыплін В.А. Адзіночанкам у пазавучэбны час наведалі Гомельскі каталіцкі храм. З імі сустрэўся вікарый прыхода кс. Юрый Дрозд, які раней сам скончыў гістарычны факультэт Беларускага дзяржаўнага педагагічнага ўніверсітэта імя Максіма Танка. Таму ён звяртаўся да студэнтаў “калегі”.
Наведванне было карысным для прафесійнага развіцця гісторыкаў, студэнты, частка з якіх ужо працуе у школах, праяўлялі цікавасць і задавалі пытанні.
