У ГДУ адбылася прэзентацыя энцыклапедычна-фаліянтнага выдання «Жыць і помніць». Арганізатар мерапрыемства- гістарычны факультэт. Аўтары — журналістка, перакладчыца Алена Харашэвіч і юрыст, пісьменнік, доктар гістарычных навук Анатоль Шаркоў. Як лічаць самі аўтары, іх духоўным суаўтарам можна па праве лічыць настаяцеля Ўсіхсвяцкага прыхода ў Мінску протаіерэя Фёдара Поўнага. Прысвечана выданне 70-годдзю Вялікай Перамогі.
Кніга «Жыць і помніць» дазваляе нам здзейсніць своеасаблівае падарожжа па Германіі, каб пазнаёміцца з найбольш значнымі мемарыяламі: у Ціргартэне, Трэптаў-Парку, на Зеелаўскіх вышынях, у Цайтхайне, а таксама пабываць на мемарыяльных могілках Марцана, Райнікендорфа, Басінплаца, Грундхайдзэ і іншых. Кніга знаёміць нас з помнікамі, з месцамі пахаванняў, з брацкімі магіламі не толькі ў Германіі, але і амаль ва ўсіх краінах Еўропы. Адкрыў прэзентацыю дэкан гістарычнага факультэта Мязга Мікалай Мікалаевіч. Паважаныя госці, якія прыехалі з Мінску, выступілі перад студэнтамі і выкладчыкамі гістарычнага і юрыдычнага факультэтаў, падзяліліся сваімі ўражаннямі ад працэсу стварэння кнігі, адказвалі на пытанні цікаўных. Сустрэча атрымалася плённай, адгукнулася ў сэрцы кожнага прысутнага.
