12 красавіка 2018 г. у Гомельскай абласной бібліятэцы адбылася прэзентацыя кнігі “Ігнат Дамейка: з Мядзвядкі – у Санцьяга-дэ-Чылі (1802–1889)”. Дадзеная кніга, прысвечаная вялікаму сыну беларускай зямлі, напісана яго нашчадкам Пас Дамейка Леа-Пласа. Цяпер кніга выдадзена і на беларускай мове. Сярод удзельнікаў мерапрыемства былі выкладчыкі гістарычнага факультэта В. А. Міхедзька і М. М. Мязга, студэнты. Дацэнт кафедры гісторыі Беларусі В. А. Міхедзька ў сваім выступленні акрэсліў жыццёвы шлях І. Дамейкі, ахарактарызаваўшы яго як адданага патрыёта Вялікага княства Літоўскага, і адзначыўшы яго заслугі перад чылійскім народам.
